جنوبی کشمیر کے ضلع کولگام میں پولیس نے نقب زنوں کا گروہ گرفتار کرکے سونے کے زیورات برآمد کئے ہیں۔
اطلاعات کے مطابق پولیس نے میر بازار علاقہ میں دوران شب ناکہ لگایا تھا اس بیچ گاڑی زیر نمبر JK01AL 6822 جب ناکہ کے قریب پہنچی تو پولیس نے گاڑی کو روکنے کا اشارہ کیا جس دوران گاڑی میں سوار 5 افراد میں سے 3 افراد اندھیرے کا فائده اٹھا کر فرار ہونے میں کامیاب ہوگئے۔ تاہم گاڑی میں سوار دو افراد کو پولیس نے حراست میں لے لیا۔
پولیس نے مطابق گرفتار شدہ افراد نے پوچھ گچھ کے دوران انکشاف کیا کہ وہ گاندربل ضلع سے تعلق رکھتے ہیں اور ہلڑ شاہ آباد چوری کرنے کے لئے جارہے تھے۔
گرفتار شدہ افراد نے انکشاف کیا کہ وہ چوری شدہ زیورات زم زم آرنامنٹس سلطان پورہ اور سٹار گولڈ بارہمولہ کو فروخت کرتے ہیں۔نقب زنوں سے اب تک 60 سونے کے زیورات برآمد ہوئے ہیں ۔
پولیس نے امتیاز احمد گورو ولد گلزار احمد گورو اور محمد یسین صوفی ولد محمد سلطان صوفی ساکنان شادی پورہ گاندربل کو گرفتار کیا ہے جبکہ فرار ہونے والے عبدالقیوم گورو ولد محمد شفیع گورو، عارف احمد گورو ولد محمد شفیع گورو اور ہلال احمر ڈار ولد غلام احمد ڈار ساکنہ شادی پورہ گاندربل کی تلاش جاری ہے۔پ
ولیس نے معاملہ کی نسبت کیس زیر نمبر 299/2021 درج کیا ہے اور معاملہ کی تحقیقات جاری ہے۔
