شوپیان: اسلحہ چھیننے کے الزام میں دو نوجوان گرفتار

جنوبی کشمیر کے ضلع شوپیان میں پولیس نے دو نوجوانوں کو اسلحہ چھیننے کی کوشش کرتے ہوئے گرفتار کیا ہے۔

ذرائع کےمطابق شوپیان کے کیگام علاقے میں قائم پولیس اسٹیشن کے سامنے پولیس کی جانب سے ناکہ لگا ہوا تھا۔ اس دوران ایک گاڑی میں سوار دو نوجوانوں کو پولیس نے روکنے کے لیے کہا تاہم پولیس کے مطابق انہوں نے پولیس اہکاروں سے ہتھیار چھیننے کی کوشش کی۔

پولیس اہکاروں نے ہوا ہیں گولیاں چلا کر اسے ناکام بنا دیا اور دونوں نوجوانوں کو گرفتار کرلیا گیا ہے۔

گولیوں کی آواز سے کیگام اور اسکے ملحقہ علاقوں میں خوف و ہراس کا ماحول پیدا ہوگیا ہے۔