کوکرناگ کے ڈار پورہ علاقے کے لوگوں کا کہنا ہے کہ ماہِ رمضان کے پہلے ہی ہفتے میں ان کا ٹرانسفارمر خراب ہوا جسے اچھہ بل کے بجلی گھر مرمت کے لیے بھیجا گیا تھا، تاہم ابھی تک مذکورہ ٹرانسفارمر کا کوئی اتا پتا نہیں۔
انہوں نے کہا کہ گاؤں کے لوگ گھپ اندھیرے میں ہیں جس کی وجہ سے ان کے بچوں کی تعلیم بھی متاثر ہوئی ہے۔
مقامی لوگوں کے مطابق چونکہ رمضان المبارک کا مہینہ چل رہا ہے لوگوں کو خاصکر سحری اور افطاری کے وقت کافی ساری مشکلات کا سامنا درپیش ہے۔
لوگوں نے محکمہ بجلی پر الزام عائد کرتے ہوئے کہا کہ مذکورہ محکمہ کے ملازمیں ان سے مختلف طریقوں سے پیسے وصول کرنے میں لگے ہوئے ہیں۔ جبکہ لوگ باقائدہ طور ماہانہ بجلی فیس ادا کرتے ہیں۔
ڈار پورہ گاؤں کے لوگوں نے انتظامیہ سے اپیل کی ہے کہ اس متبرک مہینے میں جلد از جلد ان کا ٹرانسفارمر واگزار کیا جائے تاکہ ان کی مشکلات دور ہو جائے۔
