جموں اور اس سے متصل علاقوں میں جمعہ کے روز پاکستان کے موبائل سگنل موصول ہونے کے بعد حکام نے ہائی الرٹ جاری کیا ہے جس سے خطے میں خوف و ہراس پھیل گیا۔
اطلاعات کے مطابق موبائل سگنل موصول ہونے کے بعد جموں و کشمیر پولیس نے شہر کے بھرت نگر علاقے میں تلاشی لی۔
ذرائع کے مطابق تلاشی آپریشن کو روک دیا گیا کیونکہ سکیورٹی اہلکاروں کو خطے میں کوئی مشکوک سرگرمیاں نہیں ملی ہیں۔ یہ تلاشی کارروائی تقریبا تین گھنٹے تک جاری رہی۔
ذرائع کے حوالے سے ملی اطلاع کے مطابق سکیورٹی فورسز ہائی الرٹ ہیں کیونکہ انہیں خدشہ ہے کہ ان سگنلز کو وادی میں چھپے ہوئے عسکریت پسند استعمال کرسکتے ہیں۔
تاہم ایس ایس پی جموں شری دھر پاٹل اس معاملے سے متعلق میڈیا کو بریف کریں گے۔
