پانپور: ناقص ڈرینیج سے مقامی لوگوں کو مشکلات کا سامنا

جموں وکشمیر کے ضلع پلوامہ کے قصبہ پانپورمیں ناقص ڈرینیج سے مقامی لوگوں کو مشکلات کا سامنا کرنا پڑرہا ہے۔

مقامی لوگوں کا کہنا ہے کہ مذکورہ علاقہ میں مکمل ڈرینیج سسٹم نہ ہونے سے پانی سڑکوں پر جمع ہو جاتا ہے۔

لوگوں نے مزید کہا کہ معمولی بارش کے بعد بھی پانی سڑک کے اوپر بہنے لگتا ہے ۔ جس کے بعد سڑک تالاب بن جاتا ہے ۔

مقامی لوگوں نے مزید کہا کہ اگرچہ سڑک کے ایک طرف سے ڈرینیج کے لۓ زمین بھی میسر ہے تاہم پختہ ڈرینیج نہیں بنایا جا رہا ہے ۔جس وجہ سے مقامی لوگوں کو مشکلات کا سامنا کرنا پڑ رہا ہے۔

مقامی لوگوں نے انتظامیہ سے اپیل کی ہے کہ وہ علاقے میں ایک پختہ ڈرینیج سسٹم تعمیر کریں۔ جس سے لوگوں کو بار بار کی ان پریشانیوں سے نجات مل سکے