پاکستانی فوجیوں کی پھر جنگ بندی کی خلاف ورزی

پاکستانی فوجیوں نے ایک بار پھر جنگ بندی کی خلاف ورزی کرتے ہوئے جموں وکشمیر کے راجوری ضلع میں لائن آف کنٹرول پر گولہ باری کی۔

دفاعی ترجمان نے بتایا کہ 'دوپہر میں تقریباً 14:45بجے پاکستانی فوجیوں نے سندر بنی سیکٹرمیں چھوٹے ہتھیاروں سے گولہ باری کی اور مارٹر سے گولے داغے۔ جوابی کارروائی میں بھارتی فوجیوں نے بھی گولیاں چلائیں۔'

قبل ازیں منگل کو پونچھ ضلع کے کرشنا گلی سیکٹرمیں ایل او سی پر پاکستانی فوجیوں نے سرحد پار سے گولی باری کی تھیں جس میں بھارتی فوج کا ایک جوان ہلاک ہوگیا تھا۔

بھارتی فوجیوں نے بھی اس کا جواب دیتے ہوئے پاکستانی فوج کی چوکیوں کو زبردست نقصان پہنچایا۔