ضلع ہسپتال رامبن میں بہت جلد آکسیجن پلانٹ شروع ہوگا

ضلح ہسپتال سو بستروں پر مشتمل ہے جس میں 20 ہائی رسک بیڈ ہیں۔ یہ پلانٹ (1500/LPM) پندرہ سو لیٹر فی منٹ سپلائی فراہم کرے گا۔

جموں و کشمیر کے ضلح رامبن میں قائم ڈسٹرکٹ ہسپتال میں اکیسجن پلانٹ اس ماہ تیار ہو کر ضلح ہسپتال کو آکسیجن کی سپلائی فراہم کرے گا۔

میڈیکل سپرنٹنڈنٹ ضلح ہسپتال رامبن ڈاکٹر عبدالحمید زرگر نے ذرائع ابلاغ کے نمائندوں کو بتایا کہ پلانٹ نصب کرنے کے لئے ٹندرز جاری کئے گئے تھے۔ انہوں نے کہا گزشتہ چند روز سے پلانٹ پر کام تیزی سے جاری ہے۔

انہوں نے کہا کہ ضلح ہسپتال سو بستروں پر مشتمل ہے جس میں 20 ہائی رسک بیڈ ہیں۔ یہ پلانٹ (1500/LPM) پندرہ سو لیٹر فی منٹ سپلائی فراہم کرے گا۔ انہوں نے کہا یہ پلانٹ اس ماہ کے آخر تک مکمل ہونے کی امید ہے۔

ایک سوال کے جواب میں انہوں نے کہا کہ ہسپتال میں آکیسجن سلینڈرز کی کمی نہیں ہے۔