کٹھوعہ میں 62 فیصد سے زیادہ پولنگ

مرکز کے زیر انتظام جموں و کشمیر میں ڈی ڈی سی انتخابات کے آٹھ مرحلوں میں ہونے ہیں،اس ضمن میں آج پہلا مرحلہ ختم ہوا۔

آج کٹھوعہ کی ضلعی ترقیاتی کونسل کے پہلے مرحلے کے انتخابات ضلع کے پہاڑی علاقہ بنی اور لوہائی ملہار میں پُر امن طور پر مکمل ہوا۔

ڈی ڈی سی انتخابات کے لیے لوگوں میں کافی جوش و خروش دیکھا گیا۔

اگرچہ بارش اور برفباری کی وجہ سے لوگوں کو پریشانی بھی ہوئی تاہم علاقائی باشندوں نے ووٹ دیے۔

لوہائی ملہار میں62 فیصد لوگوں نے ووٹنگ کا استعمال کیا، جب کہ 5 پنچایتوں میں بھی سرپنچ انتخابات ہوئے ، جس میں تقریباً 50 فیصد پولنگ ہوئی۔

ضلعی ڈپٹی کمشنر او پی بھگت کے ذریعہ یہ تمام معلومات فراہم کی گئی۔