Ramban Landslide مٹی کا تودا گرنے سے ایک شخص کی موت، متعدد زخمی

جموں سرینگر قومی شاہراہ پر رامبن کے نزدیک سیری علاقے میں مٹی کے تودے گرنے سے 7 افراد شدید زخمی ہوگئے ہیں۔ اس دوران جموں سری نگرقومی شاہراہ کو آمد و رفت کے لیے بند کردیا گیا۔One killed outer six injured Ramban Landslide

رامبن: ایس ایس پی رامبن نے بتایا کہ رامبن سیری علاقے میں مٹی کے تودے کی زد میں آئی ایک نجی آلٹو کار میں سوار چھ افراد جن میں دو کمسن بچے بھی شامل تھے زخمی ہوگئے۔ جن میں دو کی حالت تشویشناک بتائی جارہی ہے۔ انہوں نے بتایا کہ زخمیوں کو ضلع ہسپتال رامبن منتقل کیا گیا جہاں ایک شخص کی موت واقع ہوگئی۔

اطلاع کے مطابق آج سہ پہر اچانک بھاری بھر کم مٹی کے تودے گر آئے جس کی وجہ سے ایک نجی کار اور جے سی بی تودے کی زد میں آگئے۔ جے سی بی مشین ملبہ کے نچے دب گئی۔ بتایا گیا ہیکہ حادثہ میں کم۔از کم سات زخمی ہوگئے۔ جب کہ دوران منتقلی جے سی بی آپریٹر سرجیت سنگھ ساکنہ ڈوڈہ سمبڑ تحصیل و ضلع رامبن کے طور پر شناخت کی گئی۔

جبکہ کار میں زخمیوں کی شناخت محمد تاج ،عبدالمجید روبینہ، سکینہ، صائمہ بانو، ،عامر ضلع راجوری کے طور پر کی گئی۔ ان کو ضلع ہسپتال رامبن سے مزید علاج کے لیے جموں میڈیکل کالج ریفر کردیا گیا ہے۔ انہوں نے بتایا کہ قومی شاہراہ سے ملبہ ہٹانے اور مٹی کے تودوں کو گرنے سے روکنے کے بعد شاہراہ پر ٹریفک آمد رفت بحال کردی جائے گی۔