عمر عبداللہ نے اپنے بیان میں کہا کہ 'بھاتی حکومت کی طرف سے دفعہ 370 کو ہٹانے کا فیصلہ جموں و کشمیر کے عوام کے ساتھ زیادتی ہے۔'
انہوں نے کہا کہ 'مرکزی حکومت ایسے تباہ کن فیصلے کے لیے کئی ہفتوں سے راستہ بنا رہی تھی۔ لاکھوں میں فوج کو تعینات کرکے سیاسی آوازوں کو دبایا جا رہا ہے۔'
انہوں مرکزی حکومت پر نکتہ چینی کرتے ہوئے کہا کہ 'حکومت کی طرف سے یہ تسلی دینا کہ وہ ریاست کے مد نظر کچھ بڑا نہیں سوچ رہی ہے، محض ایک جھوٹ تھا۔'
عمر عبداللہ نے دفعہ 370 کے متعلق مرکزی حکومت کے فیصلے کو غیر آئینی قرار دیتے ہوئے کہا کہ 'یہ فیصلہ بنیادی حقوق کی خلاف ورزی ہے، چونکہ جموں و کشمیر کا الحاق انہی شرائط پر ہوا تھا'۔
