جموں کشمیر کے سابق وزیر اعلیٰ عمر عبدللہ کو 16 جنوری کو گُپکار پر واقع کسی دوسری جگہ منتقل کیا جائے گا۔ واضح رہے کہ جموں و کشمیر کو حاصل خصوصی آئینی حیثیت کے خاتمے سے چند گھنٹے قبل نظربند کر دیا گیا ہے۔
ایک اعلیٰ پولیس افسر نے ای ٹی وی بھارت کو بتایا کہ 16 جنوری کو سابق وزیراعلی عمر عبدللہ کو ہری نواس سے نکال کر گُپکار میں واقع کسی دوسری جگہ منتقل کیا جائے گا۔ انہوں نے اس سلسلہ میں کسی خاص جگہ کا نام نہیں بتایا۔ غور طلب ہے کہ عمر عبدللہ کا گھر بھی گُپکار پر ہی واقع ہے۔
خیال رہے پانچ اگست کو جموں کشمیر کا خصوصی درجہ ہٹانے کے بعد سینکٹروں ہند نواز سیاسی رہنماؤں کو نظر بند رکھا گیا ہے۔ گرچہ کئی سیاسی رہنماؤں کو رہا کیا گیا ہے، تاہم تین سابق وزرائے اعلیٰ فاروق عبدللہ، عمر عبداللہ، محبوبہ مفتی اور کئی سابق وزرائے مسلسل نظر بند ہیں۔ گزشتہ برس اکتوبر میں فاروق عبداللہ پر پبلک سیفٹی ایکٹ لگایا گیا۔
