اترپردیش: راشن کارڈ ہولڈرز کو راحت

اترپردیش میں نیشنل فوڈ سکیورٹی ایکٹ کے تعلق سے گوتم بدھ نگر میں بڑے پیمانے پر تشہیر کی جارہی ہے، اب کوئی بھی راشن کارڈ ہولڈرز کسی بھی راشن دکان سے اپنا راشن حاصل کرسکتا ہے۔

ضلع مجسٹریٹ برجیش نارائن سنگھ کی سربراہی میں محکمہ کے افسران ریاست میں نیشنل فوڈ سکیورٹی ایکٹ کو انتہائی شفافیت سے نافذ کر رہے ہیں۔

اسکیم کے تحت کوئی بھی راشن کارڈ ہولڈر کسی بھی راشن دکان سے اپنا راشن حاصل کرسکتا ہے۔ اس اسکیم سے عوام کو آگاہ کرنے کے لیے محکمہ رسد و فراہمی کے افسران بڑے پیمانے پر ضلع میں تشہیر کررہے ہیں تاکہ تمام راشن کارڈ ہولڈرز کسی بھی دکان سے اپنا راشن حاصل کرسکیں۔

اس نظام کے سلسلے میں نوئیڈا کے مختلف علاقوں میں محکمہ سپلائی کے عہدیداروں کے ذریعہ بڑے پیمانے پر تشہیر کی گئی ۔