نمائندے سے بات کرتے ہوئے مبینہ بانو نے کہا کہ انہوں نے گزشتہ سال دسمبر میں بی جے پی میں شمولیت اختیار کی تھی۔ تاہم ذاتی وجوہات کے بنا پر وہ پارٹی کی بنیادی رکنیت سے مستعفی ہو رہی ہیں۔
واضح رہے کہ گزشتہ دنوں بانڈی پورہ میں بی جے پی رہنما وسیم باری کی ہلاکت کے بعد شمالی کشمیر میں متعدد کارکنوں نے بی جے پی سے کنارہ کشی اختیار کی۔
ادھر ایس پی ہندواڑہ ڈاکٹر سندیپ چکرورتی نے وہاٹس ایپ کے ایک بیان میں مبینہ بانو کے استعفی کی تصدیق کی۔
ایس پی نے بتایا کہ موصوفہ نے ذاتی وجوہات کی بنا پر استعفیٰ دینے کی بات کہی ہے۔ دریں اثنا بی جے پی شمالی کشمیر کے انچارج مدثر احمد وانی نے موصوفہ کے استعفی کو سیاسی داؤ پیچ سے تعبیر کیا۔
ان کا مزید کہنا تھا کہ ان کے استعفیٰ سے پارٹی پر کوئی فرق نہیں پڑے گا۔
