احتجاج میں شامل مظاہرین کا کہنا تھا کہ علاقے میں پبلک ٹرانسپورٹ کی دستیابی نہ ہونے سے انہیں مشکلات کا سامنا کرنا پڑ رہا ہے۔
جب کہ انھوں نے کئی بار انتظامیہ سے مطالبہ کیا کہ نانک نگر سے شہر خاص پریت نگر علاقہ تک پبلک ٹرانسپورٹ کی آمد رفت کی بحالی کو یقینی بنایا جائے۔
انھوں نے الزام لگایا ہے کہ انتظامیہ نے آج تک ان کے مطالبات پر توجہ نہیں دی ہے۔
اس کی وجہ سے شہر خاص کے لوگ آج بھی قدیم زمانے کی طرح زندگی بسر کرنے کے لئے مجبور ہیں۔
مقامی باشندوں کا کہنا تھا کہ بڑے ہی افسوس سے کہنا پڑ رہا ہے کہ جونہی انتتخابات کا موسم آتا ہے تو یہاں پر پبلک ٹرانسپورٹ کو بحال کیا جاتا ہے۔
تاہم انتخابی موسم گزرنے کے فورا بعد ٹرانسپورات کو بند کیا جاتا ہے۔
یہ بھی پڑھیے:بارہمولہ میں تازہ فائرنگ، تصادم دوسرے دن میں داخل
مقامی لوگوں کا کہنا تھا کہ انتظامیہ کی لاپرواہی اور غیر سنجیدگی کے باعث یہاں لوگوں کو میلوں پیدل سفر کرنا پڑرہا ہے۔
اس کے علاوہ چار گناہ زیادہ کرایہ دینا پڑ رہا ہے۔
انہوں نے انتظامیہ سے اپیل کی کہ ان کی مطالبہ کو جلد از جلد پورا کیا جائے تاکہ انہیں پیدل سفر نہ کرنا پڑے۔
