دو روز مسلسل بند رہنے کے بعد 270 کلو میٹر لمبی جمو ں سرینگر قومی شاہراہ پر بھاری پسی اور چٹانیں کھسک آنے سے سڑک نقل و حرکت دوبارہ بند ہو گئی ہیں جس کی وجہ سے لگ بھگ دو ہزار گاڑیاں پھنس گئی تھیں۔
پولیس اطلاع کے مطابق رامبن سیکٹر میں بارش کی وجہ سے دو روز بند رہنے کے بعد ہفتے کی صبح ٹریفک بحال ہونےکے بعد قریب دو بجے شاہراہ مہیاڑ کے مقام پر بھاری پسی اور چٹانیں کھسک آنے سے شاہراہ مکمل بند ہو گئی۔
جس کی وجہ سے ہزاروں مسافروں کو شاہراہ پر ہی رات گزارنی پڑی۔
مسافروں کا الزام ہے کہ قومی شاہراہ کو چار گلیاروں میں تبدیل کرنے کی تعمیراتی کمپنیز غیر قانونی طور پر کٹائی کر کے مسافروں کے لیے پریشانی کھڑی کر رہی ہیں، وہیں گرین ٹریبونل کے واضح احکامات کے باوجود بے خوف یہ کمپنیز غیر قانونی طور پر، ندی، نالوں اور دریائے چناب میں مٹی اور پتھر ڈالتے ہیں، جس کی پشت پناہی سرکار اور انتظامیہ کی جانب سے دکھائی دیتی ہے۔
ڈپٹی ایس پی ٹریفک نیشنل ہائی وے رامبن سریش کمار نے ضلع انتظامیہ اور پولیس شاہراہ کو بحال کر نے کے لیے جنگی سطح پر پسیاں ہٹانے کا کام شروع کر دیا ہے شاہراہ کو پھر سے بحال کرنے میں تیزی لائی جائی گی اور سڑک بحال ہوتے ہی مسافروں کو چلنے کی اجازت دے دی جائیگی۔
