نیشنل کانفرنس کے سینئر رہنما و رکن پارلیمان اکبر لون کے فرزند ایڈوکیٹ ہلال اکبر لون نے ایک بیان میں کہا ہے کہ بی جے پی نے ہمیں عسکریت پسند کہا یہاں تک کہ ظالم بھی کہا لیکن اصل عسکریت پسند تو آپ( بی جے پی) ہیں۔ '
انہوں نے بی جے پی پر تنقید کرتے ہوئے کہا کہ' اگر آپ عسکریت پسندی کا لفظی معنے دیکھے تو اس کا مطلب لوگوں کے ذہن میں خوف پیدا کرنا ہے تو خوف ہم نے پیدا کیا ہے یا آپ نے؟'
ہلال لون نے شمالی کشمیر کے ضلع بانڈی پورہ کے نائدکھے سوناواری میں ایک انتخابی ریلی سے خطاب کررہے تھے۔
انہوں نے اس دوران کہا کہ' بھارتیہ جنتا پارٹی انہیں گپکار گینگ کہتی ہے لیکن حقیقت میں ان ہاتھ خون سے رنگے ہوئے ہیں۔'
ہلال لون نے بی جے پی پر سخت تنقید کرتے ہوئے کہا کہ ' جو ہمیں گینگ کہتے ہیں انہوں نے بابری مسجد شہید کی اور ملک میں گائے اور گوشت کے نام پر بھیڑ اور تشدد کا ماحول پیدا کیا ہے جس میں درجنوں مسلمانوں کا قتل کیا گیا تو کیا وہ گینگ نہیں ہے۔'
