مرکزی حکومت کشمیر سے کرپشن مٹانے کے لیے کوشاں

بی جے پی کے جنرل سکریٹری رام مادھو نے جموں و کشمیر میں ایک تقریب سے خطاب کرتے ہوئے کہا کہ مرکزی حکومت ریاست سے کرپشن کا خاتمہ کردے گی۔

سرینگر کے مضافات میں بی جے پی کارکنوں کے ایک اجلاس سے خطاب کرتے ہوئے رام مادھوں نے کہا کہ جموں و کشمیر بنک معاملہ میں کئی قدآور شخصیتوں کے علاوہ وزرا اور مختلف سیاسی جماعتوں کے رہنماؤں کا نام سامنے آرہا ہے۔
انہوں نے کہا کہ مرکز کی بی جے پی حکومت کرپشن میں ملوث تمام لوگوں کو سخت سے سخت سزا دینے کےلیے کمربستہ ہے۔

رام مادھو نے جموں و کشمیر کی سیاسی جماعتوں پر الزام لگاتے ہوئے کہا کہ وہ بالواسطہ یا بلاواسطہ دہشت گردوں کی تائید کرتے ہیں۔ انہوں نے کہا کہ دہشت گردوں کی تائید کرنے والوں کے خلاف مرکزی حکومت قانونی کاروائی کریگی۔بی جے پی کے جنرل سکریٹری نے کشمیری پنڈتوں کو کشمیر میں واپس لاتے ہوئے انہیں عزت و حفاظت کے ساتھ زندگی گذارنے کا موقع فراہم کرنے کے عزم کا اظہار کیا۔