جموں و کشمیر کے ضلع بارہمولہ کے سلطان پورہ پٹن میں کمسن بچہ نالہ میں ڈوب کر ہلاک ہوگیا۔
تفصیلات کے مطابق سلطان پورہ پٹن کا سات سالہ فیضان یوسف ولد محمد یوسف مرازی نہانے کی غرض سے نالے میں کود گیا پانی زیادہ ہونے کی وجہ سے ڈوب کر ہلاک ہوگیا۔
کمسن بچہ ڈوب کر ہلاک
ڈوبنے کی اطلاع ملنے کے بعد اہل خانہ نے فیضان کو فوراً اسپتال پہنچایا ، جہاں ڈاکٹروں نے اسے مردہ قرار دے دیا۔
اس واقعے سے پورے گاؤں میں ماتم کا ماحول ہے۔
وہی مقامی لوگوں نے الزام لگایا کہ بچے کو نائیدکھائی میں واقع نزدیکی ہسپتال پہنچایا گیا جہاں کوئی بھی ڈاکٹر موجود نہیں تھا-
ان کا کہنا تھا کہ اگر وہاں ڈاکٹر موجود ہوتا تو شاید بچے کی جان بچائی جاسکتی تھی۔
انہوں نے ہسپتال انتظامیہ کے خلاف احتجاج کیا اور ڈاکٹروں کی غیر موجودگی کو بچے کی موت کا سبب قرار دیا۔
