پلوامہ میں گرینیڈ دھماکہ

جنوبی کشمیر کے ضلع پلوامہ کے ٹہاب علاقے میں عسکریت پسندوں نے سی آر پی ایف گاڑی پر گرینیڈ حملہ کیا۔

اطلاعات کے مطابق سی آر پی ایف کی 183 بٹالین کی گاڑی پر عسکریت پسندوں نے گرینیڈ پھینکا جس سے گاڑی کو معمولی نقصان پہنچا ہے۔

تاہم اس حملے میں کسی جانی نقصان یا زخمی ہونے کی اطلاع نہیں ہے۔ حملے کے بعد سکیورٹی فورسز نے پورے علاقے کو محاصرے میں لیا اور تلاشی مہم جاری ہے۔

مزید تفصیلات کا انتظار ہے۔