جموں کے آر ایس پورہ میں باڈر سکیورٹی فورسز کی جانب سے سیاحوں کے لئے ہند-پاک سرحد پر ' بیٹ دی ریٹریٹ' تقریب کا انعقاد کیا گیا، جس کا محبوبہ مفتی نے ٹویٹ کے ذریعے خیر مقدم کیا ہے۔
محبوبہ نے ٹویٹ کرتے ہوئے لکھا: "سچیت گڑھ میں بیٹ دی ریٹریٹ تقریب کی شروعات کا میں خیرمقدم کرتی ہوں۔ اس قدم سے سیاحت کو فروغ ملے گا۔ میں امید کرتی ہوں کہ اسے سوچیت گڑھ اور سیالکوٹ کے درمیان تجارتی اور سفری راستے کے طور پر استعمال کیا جائے گا-"
اطلاعات کے مطابق بی ایس ایف نے گزشتہ روز جموں کے آر ایس پورہ میں سچیت گڑھ بارڈر پر بیٹ دی ریٹریٹ تقریب کی جس کی افتتاح جموں و کشمیر کے لیفٹیننٹ گورنر منوج سنہا نے کی۔ تاہم اس تقریب میں پاکستانی فوج نے شرکت نہیں کی۔ حالانکہ ہزاروں سیاح اور اسکولی بچے اس تقریب میں شامل تھے۔
مزید پڑھیں:
اس تعلق سے مقامی سیاحوں کا کہنا ہے کہ حکومت کی جانب سے اٹھایا گیا یہ قدم خوش آئند قدم ہے جس سے بارڈر پر سیاحت کو فروغ ملے گا۔ وہیں منوج سنہا نے کہا کہ بی ایس ایف کی جانب سے یہ تقریب جاری رہی گی۔
