وسطی کشمیر کے ضلع بڈگام میں دو دن تک چلنے والی ڈسٹرکٹ ڈیزاسٹر منیجمنٹ اتھارٹی کی میگا ڈرل اختتام پذیر ہوگئی۔
یہ ڈرل کسی بھی طرح کی قدرتی آفات سے نمٹنے کے لیے کی گئی جس میں لوگوں کی ایک خاصی تعداد نے حصہ لیا۔
اس دو روزہ ڈرل کا اہتمام ڈسٹرکٹ ڈیزاسٹر منیجمنٹ اتھارٹی نے ایس ڈی آر ایف اور این ڈی آر ایف کے ساتھ اشتراک کر کے انجام دیا۔
اس موقع پر مہمان خصوصی ڈیپٹی ایس پی منظور احمد اور پرنسپل بڈگام کالج زیدیا نسیم تھے- ہیلتھ ڈیپارٹمنٹ، ڈی ڈی ایم اے، ایس ڈی آر ایف اور این ڈی آر ایف نے اس ڈرل کے دوران وہاں موجود لوگوں کو قدرتی آفات کے وقت کیسے اپنی مدد کرنی ہوتی ہے اور دوسروں کو کیسے بچایا جائے۔
اس دوران ڈپٹی ایس پی منظور احمد نے بتایا کہ' اس ماک ڈرل کا اہتمام نہایت ضروری تھا کیونکہ یہ ضلع ایک ایسا ضلع ہے جس میں قدرتی آفات جیسے بہت زیادہ برفباری، سیلاب، زمین کا خسکنا، زلزلہ وغیرہ وغیرہ اکثر ؤ بیشتر ایسے واقعات ہوتے رہتے ہیں۔ اور امید ہے کہ آپ کو اس ڈرل سے استفادہ حاصل کیا ہوگا۔'
