پولیس نے چوری کا معاملہ حل کیا

چند روز قبل ضلع اننت ناگ کے کہری بل مٹن علاقہ سے تعلق رکھنے والے نظام الدین خان اور گوپالپورہ کے بلال احمد وانی نے پولیس اسٹیشن مٹن میں چوری کی واردات کے حوالے سے شکایت درج کرائی تھی۔

شکایت کے مطابق ان کی ایک موٹر سائیکل اور ایک اسکوٹی چوری کی گئی تھی جس کے بعد پولیس نے اس سلسلہ میں ایک معاملہ درج کرکے تحقیقات شروع کی۔

تحقیقات کے دوران پولیس نے شک کی بنیاد پر چند افراد کو پوچھ گچھ کے لئے حوالات میں بند کیا۔

پوچھ گچھ کے دوران ایک شخص نے جرم کا اعتراف کیا جس کی شناخت کہری بل مٹن کے رہنے والے عبید احمد خان کے بطور ہوئی ہے۔

عبید احمد کے قبضہ سے اسکوٹی اور موٹر سائیکل بازیاب کی گئی ہے جس کے بعد انہیں مالکان کے حوالے کیا گیا۔

مقامی لوگوں نے پولیس کی فوری کارروائی کی ستائش کی۔