جنوبی کشمیر کے ضلع پلوامہ کے ترال قصبے سے پانچ کلو میٹر دور کچھمولہ نامی گاؤں کو فوج، سی آر پی ایف اور ایس او جی ترال نے مشترکہ طور پر محاصرہ میں لیا ہے اور تلاشی مہم شروع کی۔
ذرائع کے مطابق اس دوران علاقے میں سکیوٹی فورسز کی بھاری نفری کو تعینات کیا گیا ہے جبکہ گاؤں کے داخلی اور خارجی راستوں پر پہرے بٹھا دئیے گئے ہیں اور کسی بھی شخص کو باہر آنے کی اجازت نہیں دی جا رہی ہے۔
ذرائع کے مطابق سکیوٹی فورسز کو اطلاع ملی تھی کہ علاقے میں عسکریت پسند چھپے ہوئے ہیں جس کے بعد محاصرہ شروع کیا گیا ہے۔
آخری اطلاعات ملنے تک تلاشی کارروائیوں کا سلسلہ جاری ہے اور مزید تفصیلات کا انتظار ہے۔
بتادیں کہ یکم جولائی کو بلال آباد ترال میں 20 گھنٹے کی طویل تلاشی کاروائی کے باوجود عسکریت پسند وہاں سے فرار میں کامیاب ہوگئے تھے۔
وہیں سرینگر کے ملہ باغ، نسیم باغ علاقے میں سکیورٹی فورسز اور عسکریت پسندوں کے مابین تصادم میں گذشتہ شب ایک عسکریت پسند اور ایک فوجی اہلکار ہلاک ہوئے ہیں۔
