جموں کشمیر کے دارالحکومت سرینگر میں کورونا وائرس لاک ڈاؤن کے دوران بند رہے تجارتی مراکز اور پبلک ٹرانسپورٹ کو آج سے دوبارہ کھول دیا گیا ہے۔
گزشتہ روز انتظامیہ کی جانب سے جاری کیے گئے احکامات کے مطابق سرینگر شہر میں تمام تجارتی مراکز اور پبلک ٹرانسپورٹ کو کھولنے کی اجازت دی گئی تاہم عوام کو کورونا وائرس کے خلاف احتیاطی تدابیر پر عمل سختی سے کرنا ہوگا۔
سرینگر ضلع مجسٹریٹ شاہد اقبال چودھری نے اس اہم بات کا اعلان گزشتہ روز ٹویٹ کرتے ہوئے کیا کہ 'پیر سے دکانیں کھو لنے کی اجازت ہوں گی لیکن کووڈ 19 کے مزید پھیلاؤ کو روکنے کے لیے رہنما خطوط پر عمل کرنا لازمی ہے۔'
یہ بھی پڑھیں
سرینگر میں آج سے کھلیں گے تمام مارکٹز
واضح رہے کہ پانچ اگست کے بعد وادی تاجر اور ٹرانسپورٹر انتظامیہ کی جانب سے عائد پابندیوں کی وجہ سے نقصان برداشت کرے اور پھر عالمی وباء کورونا وائرس لاک ڈاؤن لوڈنگ ان کی کمر توڑ دی۔
آج سرینگر شہر کے تمام بازاروں میں تقریبا پانچ مہینے کے بعد دوبارہ گہما گہمی دیکھی گئی۔ انتظامیہ کی جانب سے احتیاطی تدابیر کی خلاف ورزی کرنے والوں کے خلاف کاروائی بھی عمل میں لائی گئی۔
تاہم بیشتر لوگوں کا کہنا ہے کہ وہ راحت کی سانس ضرور لے رہے ہیں لیکن کورونا وائرس کے بڑھتے معاملات کی وجہ سے خدشہ ابھی بھی موجود ہیں۔
غور طلب ہے کہ جموں و کشمیر میں کووڈ 19 مثبت کیسز کی سنیچر تک کل تعداد 28470 پہنچ چکی ہے جن میں 6985 مریض ایکٹیو پازیٹیو ہیں جبکہ 20943 روبہ صحت ہو چکے ہیں۔ اس وائرس سے مرنے والوں کی تعداد 542 ہوگئی ہے جن میں کشمیر سے 501 جبکہ جموں سے 41 افراد شامل ہیں۔
