جنوبی کشمیر کے شوپیان ضلع میں ایک واقعہ پیش آیا جب 85 سالہ بشیر احمد فمدا نامی شخص کی موت اس وقت ہوئی جب ان کے اہل خانہ چارپائی پر انہیں کیلر اسپتال لے جارہے تھے۔ تاہم سڑکوں پر شدید برف جمع ہونے کی وجہ وہ راستہ میں ہی دم توڑ بیٹھے۔
لواحقین کے مطابق بشیر احمد فمدا جو بتہ فوجن چوون کیلر کے رہنے والے تھے، ان کے بیمار ہونے پر انہیں نزدیکی اسپتال لے جانے کی کوشش کی گئی۔ سڑکوں پر برف جمع ہونے کی وجہ سے بشیر احمد کو گاڑی میں اسپتال پہنچانا ناممکن تھا جس کے بعد انہیں مقامی لوگوں کی مدد سے چار پائی پر اسپتال لے جانے کی کوشش کی گئی۔ تاہم وہ راستہ میں ہی دم توڑ بیٹھے۔
اہل خانہ نے بتایا کہ اگر سڑکوں پر برف ہٹائی گئی ہوتی تو بشیر احمد کو وہ جلد از جلد ہسپتال پہنچا سکتے تھے اور ان کی جان بچ سکتی تھی مگر سڑکوں پر برف ہونے کی وجہ سے وہ بروقت ہسپتال نہیں پہنچ سکے۔
مقامی لوگوں نے ضلع انتظامیہ سے گزارش کی ہے کہ سڑکوں پر سے جلد از جلد برف کو ہٹایا جائے تاکہ دوبارہ اس طرح کا واقعہ نہ پیش آئے۔
