اس موقع پر میونسپل کمیٹی دیوسر کے صدر مشتاق احمد بٹ نے کہا کہ 'پریس کانفرنس کا مقصد ہلاک شدہ سرپنچ اجے پنڈتا بھارتی کو خراج عقیدت پیش کرنا ہے۔'
انہوں نے کہا کہ 'جس طریقے سے اجے بھارتی کا قتل کیا گیا، وہ ایک بزدلانہ کارروائی تھی جس کی ہم سخت الفاظ میں مذمت کرتے ہیں۔'
پریس کانفرنس کے دوران مشتاق احمد بٹ نے حکومت سے اجے بھارتی کے اہل خانہ میں سے دو افراد کو سرکاری نوکری و دیگر مراعات دینے کی اپیل کی ہے۔
انہوں نے کہا کہ 'انتخابات میں حصہ لیتے وقت ہم نے اپنی جان کو خطرے میں ڈالا اور بھارت کے آئین پر یقین رکھتے ہوئے انتخابات ميں حصہ لیا۔ تاہم حکومت اراکین سے کئے گئے وعدوں کوعملی جامہ پہنانے میں ناکام ثابت ہوئی جس کے باعث پنچ، سرپنچ اور بلدیاتی اراکین عدم تحفظ محسوس کر رہے ہیں۔'
انہوں نے کہا کہ 'ایک پنچ و بلدیاتی رکن سرکاری مشینری اور عوام کے درمیان پل کا کام کرتا ہے، تاہم وادی میں افسر شاہی اور بیوروکریسی کے ماحول میں سرکاری محکموں میں تعینات افسران ان کی جانب کوئی توجہ نہیں دے رہے ہیں۔'
اس دوران اراکین نے حکومت سے مخاطب ہوکر کہا کہ اگر 30 جون تک انکے جائز مانگوں کو پورا نہ کیا گیا تو اراکین اس کے بعد اپنا آئندہ لائحہ عمل مرتب کرے گے اور اجتماعی طور اپنا استعفیٰ پیش کریں گے۔
