مرکزی زیر انتظام جموں کشمیر کے ضلع رامبن میں محکمہ صحت کی جانب سے ضلع ہسپتال رامبن میں تین روزہ نس بندی کیمپ کا انعقاد کیا گیا جس میں کثیر تعداد میں خواتین نے شرکت کی۔
تین روزہ کمپ میں 160 خواتین نے رجسٹریشن کرائی تھی جن میں 60 کا کامیاب آپریشن کیا گیا۔ ملک کی بڑھتی آبادی پر روک لگانے اور خوشحال کنبہ بنانے کے لیے محکمہ کی کاوشوں سے ہر سال ضلع سطح پر کیمپ لگائے جاتے ہیں، جس میں ضلع رامبن کے گول،بانہال، بٹوت، رامسو اور کھڑی تحصیلوں سے خواہشمند مستورات استفادہ حاصل کرتی ہیں۔
کمپ میں مقامی ڈاکٹروں کے علاوہ جموں سے بھی ڈاکٹروں کی خدمات حاصل کی گئی تھی۔
ڈپٹی میڈیکل سپرنٹنڈنٹ محمد اقبال بٹ نے جانکاری دیتے ہوئے کہا کہ ملک میں بڑھتی ہوئی آبادی کو کنٹرول کرنے کیلئے محکمہ صحت کی جانب سے بیداری مہم جاری ہے انکا مزید کہنا تھا کہ اسطرح کے کیمپ سے دیہی علاقوں کی عوام کا استفادہ حاصل کرنا ایک ایک خوش آئند قدم ہے۔
