مہم کے تحت ڈورو کے مختلف دیہات خاص کر کھاہ گنڈ، لور منڈا، چنگو، بدرمنا،کرالہ منڈ علاقوں میں جراثیم کش ادویات کا چھڑکاؤ کیا گیا۔
اننت ناگ کے مختلف علاقوں میں صاف و ستھرائی و بیداری مہم کا آغاز
مہم کے دوران ان مقامات پر مقامی لوگوں کو کورونا وائرس کے بڑھتے خطرات بچاؤ اور احتیاطی تدابیر کے بارے میں جانکاری فراہم کی گئی، جبکہ لوگوں کو سماجی دوری اختیار کرنے اور اپنے گھروں میں قیام کرنے کی تلقین کی گئی تاکہ کورونا وائرس کی زنجیر کو توڑا جا سکے۔
تنظیم کے سرپرست ایڈووکیٹ فاروق احمد گنائی نے کہا کہ لاک ڈاون کے باوجود تنظیم کے رضاکار کئ سرکاری محکموں کی مدد سے گاؤں گاؤں میں صفائی اور بیداری مہم چلا رہے ہیں جس دوران دیہات میں گوبر و گندگی کو ہٹا کر صاف کیا جا رہاہے۔
انہوں نے لوگوں سے تعاون کی درخواست کی تاکہ سماج کواس خطرناک وائرس سے محفوظ رکھا جائے۔
