بھاری مقدار میں منشیات برآمد

جموں و کشمیر کے انتخابی حلقہ بجبہاڑہ میں پولیس نے بھاری مقدار میں منشیاب ضبط کی ہے۔ اس معاملے میں تین مقامی لوگوں کے خلاف ایف آئی آر درج کی گئی ہے۔

اسمبلی حلقہ بجبہاڑہ میں منشیات فروشوں اور اس کے کاروبار کرنے والوں کے خلاف کاروائی کو جاری رکھتے ہوئے تحصیلدار بجبہاڑہ، جموں وکشمیر پولیس اور ایکسائز ڈیپارٹمنٹ نے تین منشیات فروشوں کے خلاف کاروائی عمل میں لائی ہے اور ان کے قبضے سے بھاری مقدار میں چرس اور فکی برآمد کی۔

تحصیلدار بجبہاڑہ غلام رسول نے تفصیلات فراہم کرتے ہوئے کہا کہ انہوں نے منشیات فروشی کی اس کارروائی میں تیس کنال اراضی پر پھیلی ہوئی فکی کو ضائع کیا ہے۔ اس سلسلے میں تین افراد کے خلاف ایف آئی آر بھی درج کی گئی ہے۔ جن میں ایک کی شناخت نثار احمد شیخ، عبدالرحمان بٹ اور غلام نبی کے طور پر ہوئی ہے۔ یہ سبھی لوگ کرنڈی گام کے رہائش پذیر ہیں۔ معاملے میں پولیس نے مزید تحقیقات شروع کردی ہے۔ پولیس اور سول انتظامیہ کی جانب سے عوام الناس سے گزارش کی گئی ہے کہ منشیات کے متعلق کوئی بھی جانکاری ملے تو پولیس کے ساتھ شیئر کریں تاکہ اس میں ملوث افراد کے خلاف قانون کے مطابق سخت کاروائی کی جائے گی۔