جموں کشمیر کے ضلع رامبن کے علاقہ میں ایک جے سی بی ڈرائیور مٹی کے تودے کی زد میں آنے سے ہلاک ہوگیا ہے۔
قومی شاہراہ پر تودے کی زد میں آنے سے جے سی بی آپریٹر ہلاک
پولیس ذرائع کے مطابق رامبن کے نزریک مہیاڑ کے مقام پر دوپہر گیمن انڈیا کے نجی ٹھیکیدار کے ساتھ کام کر رہا جے سی بی آپریٹر اچانک مٹی کے تودے کی زد میں آیا جس کے نتیجے میں اسکی موقع پر ہی موت ہوگی جبکہ ہیلپر بال بال بچ گیا۔
حادثہ کی اطلاع ملتے ہی پولیس اور رضاکار موقع پر پہنچ گئے اور بڑی مشقت سے نعش کو ملبے سے نکالا۔
ہلاک ہونے والے آپریٹر کی شناخت اشوک کمار، عمر 27، ولد موہن لعل ساکنہ ٹنگدھار تصیل چنانی، ضلع ادھمپور کے طور ہوئی ہے۔ قانونی لوازمات پورے کر کے نعش کو اہل خانہ کے حوالے کردیا گیا۔
رامبن پولیس نے اس سلسلہ میں ایک کیس درج کر کے تحقیقات شروع کردی ہے۔ واضح رہے دو روز قبل بھی ایک ڈرائیور تودے کے زد میں آکر ہلاک ہو گیا تھا۔
