جموں و کشمیر کے سرحدی ضلع پونچھ کے مختلف سیکٹرز میں بدھ کے روز پاکستانی افواج کی جانب سے بلا اشتعال گولہ باری کی گئی تھی جس کی زد میں آنے سے ایک مقامی خاتون ہلاک جبکہ دوسری زخمی ہوئی تھیں۔
اطلاعات کے مطابق اس فائرنگ کے دوران کئی رہا ئشی مکانات کو بھی نقصان پہنچا تھا۔ پاکستانی فوج کی فائرنگ میں شدید زخمی خاتون کا علاج گورنمٹ میڈیکل کا لج جموں میں چل رہا تھا۔ جمعرات کی شام زخمی خاتون نے زخموں کی تاب نہ لا کر دم توڈ دیا۔
یہ بھی پڑھیں
پونچھ : پاکستان کی گولہ باری سے ایک خاتون ہلاک
ذرائع کے مطابق خاتون کی شناخت حاکم بی زوجہ محمد شریف ساکنہ لنجوٹ کے طو ر پر ہوئی ہے۔ اس کے ساتھ ہی ہلاک ہونے والوں کی تعداد دو پہنچ گئی ہے۔
واضح رہے کہ ایل او سی پر گزشتہ کئی روز سے بلا اشتعال گولہ باری کی جا رہی ہے جس کی زد میں آنے سے جانی اور مالی نقصان ہو رہا ہے۔ گزشتہ رات بھی پاکستان کی جانب سے پونچھ کے شاہ پور، کیرنی اور دیگوار سیکٹرز میں بھی گولہ باری کی گئی تاہم اس دوران کسی بھی طرح کے جانی و مالی نقصان کی اطلاع نہیں ہے۔
