اطلاعات کے مطابق سرحدی ضلع کپوارہ کے جے این وی پتشائی کے مقام پر ایک پرائیویٹ کار زیر نمبر JK09B3517 ایک کھائی میں جاگری جس کے نتیجے میں کار میں سوار ایک خاتون موقع پر ہی ہلاک ہوگئی جبکہ تین دیگر افراد شدید طور زخمی ہوگئے۔
یہ حادثہ اس وقت پیش آیا جب لولاب سے آرہی کار کے ڈرائیور نے پتشائی جے این وی کے مقام پر گاڑی پر کنٹرول کھودیا جس کی وجہ سے کار ایک کھائی میں جاگری جس میں سوار چار افراد شدید طور زخمی ہوگئے۔
ان میں زونا بیگم زوجہ عبدالخالق خان نامی ایک خاتون زخموں کی تاب نہ لاکر موقع پر ہی دم توڑ بیٹھی جبکہ دیگر زخمیوں کو علاج و معالجہ کے لیے نزدیکی اسپتال منتقل کیا گیا۔
اس حادثہ پر ایک پولیس افسر نے تصدیق کرتے ہوئے بتایا کہ اس حادثے میں ایک خاتون کی موت واقع ہوئی ۔ پولیس نے معاملہ درج کرلیا اور مزید کارروائی جاری ہے۔
