لداخ کے معاملہ پر وزیر دفاع کی چیف آف ڈیفنس اسٹاف اور تینوں افواج کے سربراہان کے ساتھ ایک ہفتہ میں یہ دوسری میٹنگ ہے۔ اس سے قبل 8 جون کو انھوں نے ان سربراہان کے ساتھ میٹنگ کی تھی اور صورتحال کا جائزہ لیا تھا۔
ذرائع کے مطابق آج کی میٹنگ میں زمینی صورتحال کے ساتھ موجودہ صورتحال پر تبادلہ خیال کیا گیا۔ فوجی حکام نے وزیر دفاع کو موجودہ صورتحال اور فوجی تیاریوں سے آگاہ کیا۔ میٹنگ میں آگے کی حکمت عملی پر بھی تبادلہ خیال کیا گیا۔
خیال رہے 6 جون کو دونوں فوجوں نے چین کی چوشول مولڈو سرحدی چوکی پر لیفٹیننٹ جنرل سطح کے مذاکرات کئے تھے۔ اس کے بعد بدھ کے روز بھی دونوں فریقین کے مابین ایک میجر جنرل سطح کی میٹنگ ہوئی تھی۔
دریں اثنا ذرائع کے مطابق چینی فوج نے سکم اور اروناچل پردیش کی سرحد کے ساتھ اپنی فوجیوں کی تعداد میں اضافہ کردیا ہے۔
