جنوبی کشمیر کے ضلع کولگام میں لاک ڈاون کا کوئی اثر دیکھنے کو نہیں مل رہا ہے۔ یہاں بازاروں میں کافی رش دیکھا گیا، اگرچہ ضلع انتظامیہ نے میونسپل کمیٹی کی جانب سے مختلف بازاروں میں لاؤڈ اسپیکروں سے اعلان بھی کیا اور لوگوں، دُکانداروں، ٹرانسپورٹرز و دیگر کاروباری اداروں سے بند رکھنے کی تلقین کی گئی۔ تاہم دی گئی تمام ہدایات کو بالائے طاق رکھا گیا۔
ضلع کولگام میں لاک ڈاون کا کوئی اثر نہیں
مقامی ذرائع کے مطابق میونسپل کمیٹی کے ملازم کی دُکانداروں اور پٹری فروشوں سے ملی بھگت کی وجہ سے ان کے اعلانات کرنے کے باوجود دُکانیں و دیگر کئی کاروباری ادارے بند نہیں ہوئے اور اس طرح سے کھلے عام اپنی جانوں کے ساتھ ساتھ دوسروں کی جانوں کے ساتھ کھلواڑ کیا جاتا ہے۔
اُدھر ضلع کے ترقیاتی کمشنر نے پہلے ہی ایک آرڈر نکالا جس میں تلقین کی گئی کہ ضلع کے تمام کاروباری ادارے بند رہیں گے۔
