کولگام میں لاک ڈاون بے اثر

ضلع کولگام کے بازاروں میں لوگوں کی گہما گہمی دیکھنے کو ملی جس سے اندازہ لگایا جاسکتا ہے کہ حکومت کی ہدایات کو نظر انداز کیا جارہا ہے۔

جنوبی کشمیر کے ضلع کولگام میں لاک ڈاون کا کوئی اثر دیکھنے کو نہیں مل رہا ہے۔ یہاں بازاروں میں کافی رش دیکھا گیا، اگرچہ ضلع انتظامیہ نے میونسپل کمیٹی کی جانب سے مختلف بازاروں میں لاؤڈ اسپیکروں سے اعلان بھی کیا اور لوگوں، دُکانداروں، ٹرانسپورٹرز و دیگر کاروباری اداروں سے بند رکھنے کی تلقین کی گئی۔ تاہم دی گئی تمام ہدایات کو بالائے طاق رکھا گیا۔