مرکز کے زیر انتظام جموں کے پریس کلب میں اج جموں کشمیر بینک کی مالی امداد سے چلنے والے خدمت سنٹرز میں کام کر رہیے افراد نے احتجاج کیا۔
ریاستی حکومت نے 2009 میں جموں کشمیر بینک کے تعاون سے خدمت مراکز قائم کئے تھے جس سے متعدد بے روزگار نوجوانوں کو روزگار فرہم کیا گیا تھا تاہم ان کے ساتھ کیا گیا وعدہ اج تک وفا نہیں ہوا۔
احتجاج کر رہے عارضی ملازمین کا کہنا ہیں کہ سرکار نے 2009 میں انہیں مستقل نوکری فرہم کرنے کا وعدہ کیا تھا لیکن آج تک انہیں جموں کشمیر بینک کی طرف سے مستقل طور پر تسلیم نہیں کیا جارہا ہے اور نا ہی ان کی تنخواہ واگزار کی جارہی ہے۔
انہوں نے کہا کہ سرکار نے آج تک کئی بار نوکری کی مستقلی کا وعدہ بھی کیا لیکن زمینی سطح پر حالات جوں کے توں ہیں۔
انہوں نے لیفٹننٹ گورنر گریش چندر مرمو سے اپیل کی کہ ان کو مستقل نوکری فراہم کی جائے اور رُکی پڑی تنخواہ واگزار کی جائے۔
