جنوبی کشمیر کے ضلع اننت ناگ کے مٹن علاقے میں مقیم پی ایم پیکیج کے تحت کشمیری پنڈت ملازمین نے ویسو قاضی گنڈ کے نو تعمیر شدہ کوارٹرز پر کچھ افراد کی جانب سے مبینہ قبضہ کرنے کو بلا جواز ٹھہرایا ہے۔
احتجاج میں شامل ملازمین کا کہنا ہے کہ گزشتہ دس برسوں سے وہ مٹن میں تعمیر ایک کمپلیکس اے میں پناہ لیے ہوئے ہیں جہاں پر ایک ایک کمرے میں کئی کنبے رہائش پذیر ہیں۔ جس کی وجہ سے انہیں کافی مشکلات کا سامنا کرنا پڑ رہا ہے۔
ان کے مطابق انکے بچوں اور اہل خانہ کو کشمیر میں کافی دشواری پیش آرہی ہیں جبکہ ریلیف کمشنر نے کی انکو سہولیات فراہم کرنے کے لئے ویسو میں کوارٹر الاٹ کرنے کا وعدہ کیا تھا۔
انہوں نے دعویٰ کیا ہے کہ انہیں مناسب رہائشی سہولیات فراہم کرنے کے لئے انکو ویسو میں نئےوارٹر الاٹ کیے گئے تھے لیکن کچھ افراد نے ان کوارٹروں پر قبضہ کر کے انکی مشکلات کو مزید بڑھایا ہے۔
