جس سے مالکان کو کروڑوں روپے کا نقصان ہو رہا ہے، علاوہ ازیں ان کمپنیز میں برسرروزگار ملازمین کے بھی بے روزگار ہونے کا خدشہ ہے۔
سرینگر کے رنگریٹ علاقے میں درجنوں آئی ٹی کمپنیز کے دفاتر ہیں جو گذشتہ تین ہفتوں سے مقفل ہیں۔ ان کمپنیز سے وابستہ مالکان و دیگر عملے نے خوف و ڈر کی وجہ سے کیمرے کے سامنے کچھ بھی کہنے سے انکار کر دیا۔
تاہم انہوں نے تفصیلات فراہم کرتے ہوئے کہا کہ 'رنگریٹ میں واقع مختلف آئی ٹی کمپنیز میں پانچ ہزار کے قریب افراد کام کر رہے ہیں۔'
ان کا کہنا تھا کہ 'مواصلاتی نظام بند ہونے سے ان کا اور کمپنیز کے مابین کوئی بھی رابطہ نہیں ہے۔'
انہوں نے مزید کہا کہ 'ایک جانب مالکان ہر روز کروڑوں روپے کا نقصان برداشت کر رہے ہیں، وہیں دوسری جانب ملازمین کی تنخواہ بھی ادا کرنا ناممکن ہو رہا ہے۔'
انہوں نے مزید کہا کہ 'اگر مواصلاتی نظام جلدی بحال نہیں کیا گیا تو ملازمین کی نوکریاں بھی خطرے میں پڑ سکتی ہیں۔'
