سپریم کورٹ کے کالجیم نے پانچ ججوں کو مختلف ہائی کورٹس کے چیف جسٹس کے طور پر عہدے پر فائز کرنے کی سفارش کی ہے۔
چیف جسٹس آف انڈیا ایس اے بوبڈے کی سربراہی میں کالجیم نے جسٹس ڈاکٹر ایس مرلی دھر کو اڑیسہ ہائی کورٹ کا چیف جسٹس بنانے کی تجویز کو منظوری دے دی۔ جسٹس مرلی دھر اس وقت پنجاب اور ہریانہ ہائی کورٹ میں جج ہیں۔
عدالت عظمی کی ویب سائٹ کے مطابق کالجیم نے 14 دسمبر کو منعقدہ اپنے اجلاس میں دہلی ہائی کورٹ کے جج جسٹس ہما کوہلی کو تلنگانہ ہائی کورٹ کا چیف جسٹ ، کلکتہ ہائی کورٹ کے جج جسٹس سنجب بینرجی کو مدراس ہائی کورٹ کے چیف جسٹس کی حیثیت سے اعلی کرنے کی تجویز کو بھی منظوری دے دی ہے۔
ان کے علاوہ، کالجیم نے الہ آباد ہائی کورٹ کے جج پنکج میتھل کو جموں وکشمیر کا چیف جسٹس اور اتراکھنڈ ہائی کورٹ کے جج سدھنشو دھولیا کو گوہاٹی ہائی کورٹ کے چیف جسٹس کے عہدے پر فائز کرنے کی تجویز کو منظوری دے دی ہے۔
سی جے آئی بوبڈے کے علاوہ، جسٹس این وی رمنا، آر ایف نریمن، یو یو للت اور اے ایم خان ولکر پانچ ججوں کے کالجیم کا حصہ ہیں۔
