’کشمیر کے صحافی جہادی صحافی‘

وادی کشمیر کے صحافیوں نے آج سرینگر میں واقع ایوان صحافت 'کشمیر پریس کلب' میں جمع ہوکر ایک انگریزی روزنامہ کے خلاف احتجاج کیا۔

واضح رہے ٹائمز آف انڈیا نے گزشتہ روز ایک خبر شائع کی تھی جس میں مبینہ طور پر کشمیر کے ایوان صحافت کے نو منتخب باڈی کے تمام عہدیدران کو "جہادی صحافی" قرار دیا تھا۔

احتجاج کے دوران صحافیوں نے ٹائمز آف انڈیا اخبار اور اس کے نمائندے کے خلاف سخت کاروائی کرنے کا مطالبہ کیا۔

صحافیوں نے انگریزی روزنامہ ٹائمز آف انڈیا میں شائع خبر کی شدید مذمت کی۔

احتجاج کررہے صحافیوں نے اخبار کے سرینگر نمائندے محمد سلیم پنڈت کی ایوان صحافت کی رکنیت منسوخ کرنے کا مطالبہ کیا۔