سوپور: شمالی کشمیر ضلع بارہمولہ کے تحصیل ہیڈکواٹر سوپور کے مشہور و معروف بابا شکر الدین وقف اسکول وٹلب کے اسکولی بچوں نے پرنسپل کی تبدیلی پر آج دوسری مرتبہ ایک زور احتجاجی مظاہرے کر کے ٹریفک کی نقل وحمل کو سنگری ٹاپ پر روک دیا۔ انہوں نے اس دوران میڈیا کے نمائندوں سے بات کرتے ہوئے کہا کہ جب تک ہمیں اپنے پرنسپل رفیق احمد کو واپس وٹلب اسکول نہیں لایا جائے گا تب تک ہم اسکول نہیں جائیں گے اور نہ ہی کوئی امتحان فارم جمع کرائیں گے۔ Students Stage Protest against the Transfer of Principal in Sopore
یہ بھی پڑھیں:
اس دوران انہوں نے وقف بورڈ پر الزام عائد ہوئے کہا کہ راتوں رات پرنسپل رفیق احمد کو یہاں سے ٹنگمرگ منتقل کیا گیا جو ناقابل قبول ہے۔ اس دوران کئی بچوں نے کہا کہ وٹلب اسکول کو رفیق احمد نے اپنا خون پسینہ دے کر بنایا اور یہاں کے بچوں کو اچھی تربیت اور اچھے علم سے روشناس کرایا۔ تقریباً ایک گھنٹے تک اسکولی بچوں نے ٹریفک کی حمل ونقل کو روک دیا جس کے بعد وارپورہ پولیس پوسٹ کے عاشق منصور نے جائے موقع پر پہنچ کر اسکولی بچوں کو سمجھایا اور اس کے بعد بچوں نے احتجاجی مظاہرہ کو بند کردیا۔
