ریاستی صدر یوتھ کانگریس نے ڈوڈہ کا دورہ کیا ڈوڈہ: مرکز کے زیر انتظام یوٹی جموں و کشمیر کے ضلع ڈودہ کے دورے پر آئے یوتھ کانگریس کے ریاستی صدر آکاش بھارتی نے بی جے پی کو شدید تنقید کا نشانہ بنایا۔ انہوں نے بی جے پی پر اپوزیشن کے رہنماؤں کی آواز کو دبانے کا الزام لگایا۔ یوتھ کانگریس کے ریاستی صدر آکاش بھارتی نے کہا کہ چودھری لال سنگھ کی گرفتاری بھی اپوزیشن کے خلاف بی جے پی کی مہم کا حصہ ہے۔ اپوزیشن جماعتوں کے رہنماؤں کے خلاف کارروائی کرکے لوک سبھا انتخابات سے پہلے اپنے راستے سے اہم لوگوں کو ہٹانا چاہتی ہے۔
یہ بھی پڑھیں: راہل گاندھی کے دفاع میں کانگریس، کہا پنوتی اور جیب کترا الفاظ غلط نہیں
یوتھ کانگریس کے ریاستی صدر اپنے دورہ چناب کے دوران ڈاک بنگلو ڈوڈہ میں پارٹی کارکنوں کی میٹنگ سے خطاب کیا۔ پارٹی کارکنان کو وادی میں ہونے والے اگلے انتخابات کے لیے پوری طرح سے تیار رہنے کی ہدایت دی۔ انہوں نے کہا کہ بی جے پی عوام کی امیدوں پر پورا اترنے میں ناکام رہی ہے۔ حکمراں بی جے پی پر تنقید کرتے ہوئے آکاش بھارتی نے کہا کہ جب سے بی جے پی اقتدار میں آئی ہے ملک کی جمہوری اقدار کو بہت نقصان پہنچایا ہے اور جمہوری اداروں کا گلا گھونٹ دیا جا رہا ہے۔ انہوں نے لوگوں سے اپیل کی کہ وہ ملک میں جمہوریت کی بحالی کے لیے کانگریس کا ساتھ دیں۔
