اپنے ایک پیغام میں لیفٹیننٹ گورنر نے کامگار طبقے کے لئے نیک خواہشات کا اظہار کرتے ہوئے امید ظاہر کی کہ یہ طبقہ مزید تن دہی اور ذمہ داری کے ساتھ کام کر کے ترقیاتی عمل اور اقتصادی منظر نامے کو دوام بخشنے میں اپنا بھر پور رول ادا کرے گا۔
انہوں نے کہا کہ لیبر ڈے جسے پوری دنیا میں مئی ڈے کے طور پر بھی منایا جاتا ہے ہمیں اس طبقے کی جدوجہد اور سماج میں اُن کی اہمیت کی یاد دلاتا ہے۔
لیفٹیننٹ گورنر نے کہا کہ حکومت کامگار طبقے کی بہبودی کی طرف ہمیشہ توجہ دیتی آرہی ہے اور اُن کے حقوق کی ہرسطح پر پاسداری کو یقینی بنایا جائے گا۔
