اننت ناگ: خصوصی لوک عدالت کا انعقاد

جموں و کشمیر کے ضلع اننت ناگ میں ڈسٹرکٹ لیگل سروسز اتھارٹی کی جانب سے ڈسٹرکٹ کورٹ کمپلیکس میں خصوصی لوک عدالت کا انعقاد کیا گیا۔

لوک عدالت کی سربراہی ڈسٹرکٹ لیگل سروسز اتھارٹی کے چیئرمین اور پرنسپل ڈسٹرکٹ اینڈ سیشن جج نصیر احمد ڈار نے کی۔

مذکورہ عدالت کودئے گئے معاملات کے حل کے لیے نصیر احمد کی صدارت میں ایک بینچ قائم کی گئی اور اسپیشل موبائل مجسٹریٹ (اننت ناگ) عادل مشتاق کو بطور ممبر تقرر کیا گیا۔

خصوصی لوک عدالت کے دوران 17 مقدمات کی سماعت کی گئی۔ اُن میں سے 7 معاملات کو متعلقہ فریقوں کی موجودگی میں موقع پر ہی حل کرلیا گیا۔

فریقین کی جانب سے ڈسٹرکٹ لیگل سروسز اتھارٹی (اننت ناگ) کی سراہنا کی گئی اور مستقبل میں بھی یہ پہل جاری رکھنے کی خواہش کا اظہار کیا تاکہ لوگوں کو راحت مل سکے۔