جموں و کشمیر میں گزشتہ 24 گھنٹوں کے دوران کورونا کے 63 نئے فعال معاملے درج کئے گئے ہیں جس میں کشمیر میں 54 اور جموں میں 9 موجود ہے۔ ان میں بیرون ریاست سے آئے ہوئے 22 مسافر بھی شامل ہیں۔
اعداد و شمار کے مطابق جموں و کشمیر میں اب کورونا معاملوں کی مجموعی تعداد 126504 ہو گئی ہے جن میں 829 معاملے سرگرم ہیں جبکہ 123717 افراد کورونا کو شکست دینے میں کامیاب رہے۔
گزشتہ 24 گھنٹوں کے دوران خطہ میں مزید 56 افراد صحتیاب ہوئے ہیں۔ ان میں 39 کشمیر اور 18 جموں سے تعلق رکھتے ہیں۔
مزکری زیر انتظام خطے میں اب تک 1958 افراد کورونا کی وجہ سے انتقال کر گئے ہیں۔
گزشتہ چند روز سے جموں و کشمیر میں ایک بار پھر کورونا کے معاملوں میں اضافہ دیکھنے کو مل رہا ہے جس کی وجہ سے انتظامیہ الرٹ پر ہے۔
علاوہ ازیں مرکزی حکومت نے بھی ایک ٹیم تشکیل دی ہے جو جموں و کشمیر سمیت دیگر ریاستوں میں کورونا کے بڑھتے معاملوں کی چھان بین کرے گی۔
