جموں و کشمیر میں اتوار کو کووڈ 19 کی وجہ سے مزید دو اموات کی اطلاع ملی ہے ، جس سے جموں و کشمیر میں وائرس کی وجہ سے اموات کی تعداد 238 ہوگئی۔
حکام کے مطابق انتقال شدہ افراد میں شمالی کشمیر کے ضلع بارہمولہ کا ایک 84 برس کا شخص اور راجوری کی ایک خاتوں شامل ہے۔
یہ بھی پڑھیں:
بھارت میں کورونا وائرس متاثرین کی تعداد گیارہ لاکھ کے قریب
سکمز صورہ کے ایک سینیئر ڈاکٹر کا کہنا تھا کہ وارڈ 3 اے میں دوطرفہ سی اے پی کے معاملے کے طور پر 16 جولائی کو مریض کو اسکمز صورہ میں داخل کیا گیا تھا۔ مریض کا گزشتہ رات 11 بج کر 15 منٹ پر انتقال ہوگیا۔
وہیں ایک ڈاکٹر نے کہا کہ راجوری کی ایک خاتون جسے 16 جولائی کو اسپتال میں داخل کرایا گیا تھا کا انتقال ہوگیا۔ اس کا انتقال رات کے 2 بجے ہوا۔
واضح رہے کہ ان اموات کے ساتھ کووڈ 19 کی وجہ سے اب تک کشمیر میں 219 اور جموں میں 19 افراد کی موت ہوچکے ہیں۔
