بینک کے کارپوریٹ ہیڈکوارٹر میں کام کرنے والے ملازمین کا الزام ہے کہ بینک انتظامیہ ان کی سیفٹی کو لے کر سنجیدہ نہیں ہے۔
ایک بینک ملازم نے نام نہ ظاہر کرنے کی شرط پر بتایا: 'کارپوریٹ ہیڈکوارٹر میں کام کرنے والے ایک ملازم کا کورونا وائرس ٹیسٹ گزشتہ ہفتے مثبت آیا تھا۔
ایک ہفتے بعد باقی ملازمین کا کورونا ٹیسٹ کیا گیا جن میں سے 27 ملازمین کا ٹیسٹ مثبت آیا۔ اگر پہلا کیس سامنے آنے کے فوراً بعد ہی احتیاطی تدابیر اختیار کی جاتی اور ملازمین کا وقت پر ہی ٹیسٹ کیا گیا ہوتا تو اتنی بڑی تعداد میں ملازمین متاثر نہیں ہوتے'۔
انہوں نے کہا: 'ہیڈکوارٹر کے جس شعبے سے کورونا کا پہلا کیس سامنے آیا تھا اس شعبے کو بند کیا گیا تھا نہ کسی کو رضاکارانہ طور پر قرنطینہ میں جانے کے لئے کہا گیا تھا۔ سب کچھ معمول کی طرح جاری رکھا گیا اور آج نتیجہ ہمارے سامنے ہے'۔
ایک اور ملازم نے بتایا: 'کئی ملازمین نے انتظامیہ سے گزارش کی تھی کہ نمونوں کی رپورٹ آنے تک ہمیں اپنے گھروں سے کام کرنے کی اجازت دی جائے لیکن اس پر کوئی کان نہیں دھرا گیا'۔
انہوں نے کہا کہ بنک انتظامیہ کو جلد بازی سے کام نہ لینے کی بجائے سبھی ملازمین کا ایک بار پھر ٹیسٹ کرانا چاہیے اور رپورٹیں موصول ہونے تک انہیں اپنے گھروں سے کام کرنے کی اجازت دی جانی چاہیے۔
ذرائع نے بتایا کہ ملازمین کو پیر کے روز ڈیوٹی پر لوٹ جانے کے لئے کہا گیا ہے۔
انہوں نے کہا: 'بنک ہیڈکوارٹر کو صرف جمعرات اور جمعے کے لئے بند کیا گیا تھا۔ ہفتے اور اتوار کو بینک کی چھٹی ہوتی ہے'
