آرمی کے مطابق 7 ستمبر 2020 کو عسکریت پسند نے سیکیورٹی فورسز پر فائرنگ کی تھی جس کے بعد مذکرہ عسکریت پسند نے سکھ نالہ میں چھلانگ لگا کر فرار ہونے کی کوشش کی تھی۔ تاہم آج 5 دنوں کے بعد اس کی لاش نالے سے برآمد کر لی گئی۔
خیال رہے کہ اس مہینے کے آغاز میں بڈگام میں سیکیورٹی فورسز نے لشکر طیبہ کے چار عسکریت پسندوں کو گرفتار کیا تھا۔ پولیس کے مطابق ان کی شناخت شکیل احمد وانی، شوکت احمد ، عاقب مقبول خان اور اعجاز احمد ڈار کے طور سے ہوئی ہے۔
جس عسکریت پسند کی لاش برامد کی گئی ہے فوج نے ابھی اس کی شناخت ظاہر نہیں کی ہے۔
غور طلب ہو کہ گذشتہ سوموار کی دوپہر کو کاؤسہ خالصہ میں فائرنگ کا واقعہ پیش آیا تھا جس میں فوج کی جانب سے ایک عسکریت پسند کو ہلاک کرنے کا دعوی کیا گیا تھا۔
فوج کو کاؤسہ کے پنچایت گھر کے قریب عسکریت پسندوں کے چھپنے کی اطلاع ملی تھی جس کے نتیجے میں انہوں نے پہلے محاصرہ کیا اور بعد میں عسکریت پسندوں کی تلاش شروع کی۔
تلاشی کاروائی کے دوران گولیوں کی آوازیں سنائی دیں جو 3 سے 5 منٹ تک جاری رہی۔
بعدازاں 53 آر آر اور 2 آر آر ،ایس او جی اور بڈگام پولیس نے ایک عسکریت پسند کو ہلاک کرنے کا دعوی کیا۔
پولیس کے مطابق ایک عسکریت پسند کو پیر میں گولی لگی جس کے بعد اس نے دوبارہ بھاگنے کی کوشش کی اور دریا میں کود گیا تاکہ وہ فرار ہوسکے تاہم فورسز نے اسے دریا پار کرنے کے دوران ہلاک کردیا جس کے بعد اس کی لاش پانی میں ڈوب گئی۔
ایک عینی شاہد جو دریا کے کنارے ریت نکال رہا تھا، کا کہنا ہے کہ فوج نے ایک عسکریت پسند کو ہلاک کردیا جس نے دریا میں چھلانگ لگائی تھی اور تیر کر دوسری جانب پہنچنے کی کوشش کر رہا تھا۔ فورسز نے اس پر تابڑ توڑ گولیاں چلائیں جس سے وہ ہلاک ہوگی۔ بعد ازاں اس کی لاش تھوڑی دیر تک پانی پر تیرتی رہی اور پھر ڈوب گئی۔
