'چھونا ہے آسمان' سویک ایکشن پروگرام کا آغاز ادھم پور رینج پولیس کے تحت کیا گیا ہے۔ جموں و کشمیر پولیس نے کہا کہ بچوں کو ایک اچھا پلیٹ فارم دینے کے لیے موسیقی کے پروگرام کا انعقاد کیا جا رہا ہے۔
جس سے بچوں میں چھپے ٹیلنٹ کا پتہ چل سکے۔ پروگرام رینج کے ڈی آئی جی سجیت کمار کی زیر صدارت ہوا۔پروگرام میں خصوصی مہمان کے طور پر ڈپٹی ڈائریکٹر جنرل پولیس، اور شیر کشمیر پولیس اکیڈمی، کے ڈائریکٹر ڈاکٹر ایس ڈی جموال بھی شامل ہوئے۔
موسیقی کے کمپیٹیشن میں حصہ لینے والے پانچ سالہ بچے سے لیکر 25 برس تک نوجوانوں نے بڑھ چڑھ کر حصہ لیا۔ اس پروگرام کے تحت اچھی کارکردگی پیش کرنے والے بچوں کو آگے بڑھنے میں کافی مدد ملیگی۔اس پروگرام کا مقصد یہ بھی ہے کہ جو بچے موسیقی میں اپنا مستقبل بنانا چاہتے ہیں ان کو پلیٹ فام مہیا کرایا جاسکے۔
اس مقابلے میں اول آنے والی آرادھیہ شرما، دوسرا مقام حاصل کرنےوالی تانوی اور تیسرا مقام حاصل کرنے والے رگھو جیت سنگھ رہے۔ ان تمام کو اعزاز سے نوازا گیا ہے۔
کامیاب بچوں نے ای ٹی وی بھارت سے جموں و کشمیر پولیس کے اس پہل کی ستائش کی۔ ان کا کہنا تھا کہ یہ ان کے لیے کافی مثبت رہا۔ اور انہیں اپنا ٹیلنٹ نکھارنے کا موقع ملا۔ پروگرام میں کثیر تعداد میں مقابلہ لینے والے بچوں کے والدین سمیت جموں و کشمیر پولیس پیرا ملیٹری فورس کے افسران بھی موجود رہے۔
