سکیورٹی اہلکار لاپتہ، ایف آئی آر درج

جموں و کشمیر کے دارالحکومت سرینگر میں 21 بٹالین سے وابستہ آئی ٹی بی پی اہلکار رواں مہینے کی 23تاریخ سے لاپتہ ہے اس معاملے میں مقامی پولیس نے ایف آئی آر درج کرلی ہے۔

سرینگر کے مضافات پانتھ چوک میں قائم آئی ٹی بی پی ہیڈ کوارٹر سے راکیش کمار نامی کانسٹیبل لاپتہ ہوگیا ہے لاپتہ اہلکار کا تعلق کٹالن سانبہ جموں سےبتایا جارہا ہے۔

گمشدہ اہلکار کے حوالے سے پولیس اسٹیشن پانتھہ چوک میں ایک ایف آئی آر درج کیا گیا ہے ۔اور پولیس نے تحقیقات کرتے ہوئے کانسٹیبل کو ڈھونڈ نکالنے کی کاروائی بھی شروع کی ہے ۔

مزید تفصیلات کا انتظار ہے۔