غلام احمد میر نے پریس کانفرنس میں کہا کہ 'گزشتہ کئی دنوں سے ریاست کے حالات کشیدہ ہیں خاص کر کے کشمیر میں، جس کے بعد تمام چھوٹی بڑی پارٹیوں نے اپنا رد عمل ظاہر کیا ہے اور کانگریس پارٹی نے ملکی پیمانے پر ریاست کے لیے پالیسی گروپ بنایا ہوا ہے۔
اس گروپ کی جس کی قیادت سابق وزیراعظم منموہن سنگھ کررہے ہیں،اور غلام نبی آزاد، پی چدمبرم اور ڈاکٹر کرن سنگھ جیسے قد آور رہنما شامل ہیں۔
انھوں نے مزید کہا گزشتہ روز ایک کانگریس ہائی کمانڈ کی جانب سے ایک میٹنگ بلائی گئی تھی جس میں ریاست کے موجودہ حالات پر گفتگو کی گئی جس میں تمام رہنماؤں نے اپنی رائے پیش کی۔
لیکن میٹنگ میں یہ سوال برقرار رہا کہ اس تعلق سے پارلیمینٹ اور مرکزی سطح پر بھی کسی کو اس بات کی اطلاع نہیں ہے کہ وزیراعظم نریندر مودی اور وزیر داخلہ امت شاہ کی قیادت میں جو صورت حال ریاست میں پیدا کی گئی ہے۔
